[正能樣星期五]
低氣壓，分享一下近期的開心事給大家～
話說前幾日救左隻灰鸚鵡bb
見佢在簷篷彈下彈下，本來以為是白鴿。後來見到鮮紅色尾巴，先知個傻仔係灰鸚鵡。
我就聊佢玩，吹bb 吹口哨。（都有啲途人經過但無人理佢。係我咁無聊😹）
聊左陣見佢有想降落的動作
(好似我隻貓上左上隔床，
然後想跳又唔跳果個衰樣。）
我就舉起手叫佢來。
但其實無諗住佢會飛來。
可能個傻仔見呢個人類咁努力，
就決定相信me, 真係一野衝左過來。
我地兩個都嚇一跳😹
我諗佢飛左成日好支力好累，求其見到有個人類就無辨法，唯有求救，好叻仔。
如果夜晚怕佢會凍親餓親。一上手我即刻捉住佢腳上條鍊仔。
我救貓救狗多，雀仔係第一次。（唔計小型彩雀麻雀之類的話）
鸚鵡個咀好硬，其實我都驚佢咬9 me.
但佢可能知我救佢，輕咬我玩下。上網睇，人地自己養果啲都可以咬到成手血🙄
咁樣帶住隻雀周圍行梗係唔係咁好。
雖然停車場附近人唔多。
立刻上左朋友車先。
已經影左相，諗住遲少少po 上group.
但拎住隻雀唔方便 (又驚佢痾屎係我身🌚🙄 好在佢無）
諗住買啲野佢食比啲水佢飲先。
佢好支力，一上車好安穩就想挨住我訓，但又少少驚唔太敢，一路半睡半醒，
又想爬上我個頭玩我啲頭髮🙄
我就引導佢去玩其他野，佢最後鍾情於我外套條拉鍊，係咁咬，一路咬一路訓著左。
成個傻西瓜咁。所以我決定叫佢傻西，西西😹
開左陣車，發現條友腳仔有電話！我想轉來睇，西西就瘋狂咬我，好彩都唔大力。
但都損晒手咁啦。
最終打到比佢主人，佢原來係大陸做野🙄🙄 (晒我長途電話費）
起初仲以為我握鳩佢，講左陣先話叫fd 來接。求其多謝一句就收左線。
最終等左個幾鐘，佢個fd 先來接走西西。我同朋本來諗住出去行山玩的，咁攪完最後天黑😹
西西好細隻，又自己飛左咁遠水路。遇到衰人實比人賣左燉左都似。
雖然佢主人西西地，但至少睇來佢照顧得西西不錯。肥肥白白羽毛又靚。
西西最後安全返到屋企就好了。
我又唔需要人地多謝既。但如果我係主人我會好開心好感激囉，果個主人好冷淡。
我執過人地銀包身份證手機之類，不下十幾次，機場coffee shop 廁所。
但我自己唔見野，從來係無一次搵得返。🌚
anyway, 屎一般的世界，多謝西西帶比我好心情。當日風和日麗，朋友特登請左半日假去行山。但所有事情都預備好了，原來就是為了遇到西西。
果刻西西飛過來再訓著個樣，真係cute 到爆☺️😹
西西你乖下次唔好離家出走啦。
唔係個個好似我咁善良架。
ps 大家最近遇到咩開心事好人好事都上來留言分享下丫～
pps 虐待動物的仆街同我鞭L 死佢地！！
#動物拯救小隊
Search